SHBA – Një paralajmërim i rëndësishëm vjen për të gjithë shqiptarët që janë në proces emigracioni apo bashkimi familjar në Shtetet e Bashkuara. Nga data 1 mars 2026, Shërbimi i Emigracionit (USCIS) ka aplikuar rregulla dhe tarifa të reja që prekin drejtpërdrejt xhepin tuaj dhe shpejtësinë e marrjes së dokumenteve.
Nëse jeni duke përgatitur dosjen për bashkim familjar, leje pune apo jeni student në pritje të OPT-së, ky informacion është kritik: Çdo gabim në shumën e pagesës do të çojë në kthimin mbrapsht të gjithë aplikimit tuaj!
Çfarë ka ndryshuar konkretisht në Mars 2026?
Focusi kryesor i këtij ndryshimi është “Premium Processing” (shërbimi i përshpejtuar). Për të përballuar inflacionin, USCIS ka rritur çmimet për këdo që dëshiron një përgjigje brenda pak ditësh. Po ashtu, janë përditësuar kostot për lejet e punës (EAD) për kategoritë e azilit dhe mbrojtjes së përkohshme.
Tabela e Pagesave: Ja sa duhet të paguani sot!
| Dokumenti / Shërbimi | Tarifa Zyrtare 2026 |
| Bashkimi Familjar (Peticioni I-130) | $625 (online) / $675 (me postë) |
| Aplikimi për Green Card (I-485) | $1,440 |
| Leja e Punës (I-765) – Për Azilkërkuesit | $560 |
| Leja e Punës (I-765) – Bashkë me Green Card | $260 |
| Leja e Udhëtimit (I-131 – Advance Parole) | $630 |
| Vula e Green Card (pasi vjen nga Shqipëria) | $235 |
Për shërbimin “Premium” (Përpunim i shpejtë):
- Vizat e punës (H-1B, L-1, O-1): $2,965
- Leja e Punës për Studentët (OPT): $1,780
Kushtet e reja që duhet të dini:
Përveç parave, USCIS ka vendosur kushte të rrepta për pranimin e dosjeve:
- Edicioni i Formularit: Duhet të përdorni vetëm versionin e fundit të formularit I-907 (data 03/01/26) dhe formularët e tjerë të përditësuar në uebsajtin zyrtar.
- Posta: Nëse aplikimi juaj është postuar në ose pas 1 marsit me tarifën e vjetër, ai do të refuzohet menjëherë.
- Mënyra e Pagesës: USCIS po inkurajon fuqishëm aplikimet online, duke ofruar tarifa më të ulëta (ulje prej $50) për ata që nuk përdorin rrugën me postë.
Mos e lini aplikimin tuaj të digjet për një gabim në tarifë!
Foto: Arkiv /USCIS
