Në natën e hapjes së Ciklit të Kinemasë Botërore, pesë filma shqiptarë u shfaqën në sallën e artit La Nacional në Manhattan. Ky aktivitet tri-ditor, i organizuar nga Bronx World Film Cycle, është një mundësi për artistët nga pesëmbëdhjetë vende të botës të prezantojnë krijimet e tyre.
Filmat e regjisoreve si Roland Uruci dhe regjisoreve të rinj shqiptarë si Dora Nano, Savina Alimani, dhe Meri Dishnica sollën freski vizuale dhe thellësi dramatike, ndërsa filmi i Bujar Alimanit, një dramë psikologjike me intensitet emocional, ishte një moment kulmor i natës. Alimani, një nga regjisoret më të vlerësuar të kinematografisë shqiptare, theksoi rëndësinë e përfaqësimit të filmave shqiptarë në platformat ndërkombëtare dhe mbështetjen për regjisoret e reja.
Në fund të projeksioneve, Artistet e njohur shqiptarë, Merita Halili dhe Raif Hyseni, performuan për spektatorët, duke sjellë një atmosferë të ngrohtë dhe festive, ndërkohë që flamuri spanjoll valëvitej përtej dritareve të La Nacional.
Ky aktivitet i mbështetur nga Shoqëria La Nacional dhe nisma “Greater Illyria Initiative” pasqyroi edhe një herë fuqinë e artit për të tejkaluar kufijtë dhe për të promovuar kulturën shqiptare në Nju Jork.
Cikli i Kinemasë Botërore vazhdon deri nesër dhe është një mundësi e shkëlqyer për të zbuluar kinematografinë dhe artin shqiptar.
