Në një atmosferë të ngrohtë, plot shije dhe elegancë, USALB Televizion solli për publikun një emision special kushtuar një prej restoranteve më të veçanta të diasporës – Adria Restaurant.
Në qendër të këtij reportazhi ishte vizioni i një njeriu që i ka dhënë jetë një hapësire ku kultura shqiptare gërshetohet natyrshëm me stilin dhe finesën italiane – z. Bledar Hoxhalli, pronar dhe themelues i Adria Restaurant.
Gjatë xhirimeve tona, patëm mundësinë të preknim nga afër një realitet të bukur shumëkulturor. Midis stafit punonjës, shumica ishin nga vende të ndryshme, përfshirë Brazilin – ku veçojmë Monikën, shefen e kuzhinës, si dhe bashkëpunëtoret e saj Anxhelika dhe Ollga. Energjia e tyre, përkushtimi dhe buzëqeshja ishin një pjesë e rëndësishme e atmosferës pozitive që ndjen çdo klient.
Edhe pse xhirimet u zhvilluan në orët e para të ditës, dhe nuk patëm mundësi të takonim shumë nga punonjësit shqiptarë, patëm fatin të bisedojmë me z. Mustafa Preçi, nga Tirana, i cili ndau me ne fjalë të ngrohta mirënjohjeje për pronarin dhe gjithë ekipin. Ai e përshkroi Adria Restaurant si “një familje të madhe” ku është ndjerë i respektuar dhe i vlerësuar që nga dita e parë.
Falënderimet nuk munguan nga askush – të gjithë punonjësit vlerësuan ambientin, drejtimin profesional dhe frymën miqësore që mbizotëron në këtë restorant.
Adria Restaurant nuk është thjesht një vend ku shkohet për të ngrënë mirë – është një hapësirë ku bashkëjetojnë kultura, njerëz dhe emocione. Një vend ku ndihesh i përfshirë, i vlerësuar dhe mbi të gjitha, si në shtëpi.
Dhe ky është vetëm fillimi. USALB Televizion dhe Adria Restaurant do të ndërmarrin një bashkëpunim të ri për të afruar më shumë shqiptarët me njëri-tjetrin dhe për të ndërtuar ura të reja komunikimi dhe bashkëpunimi në diasporë. Sepse kur shija dhe kultura bashkohen, krijohet një forcë që na lidh më shumë se kurrë.
