bashkëpunim me Qendrën Kulturore “Nënë Tereza” të Kishës Katolike “Zoja e Shkodrës”, organizoi promovimin e veprës “Kryqtari i Fundit” për heroi kombëtar Gjergj Kastrioti – Skënderbeu, shkruar nga diplomati dhe gazetari Virgjil Kule. Ky eveniment bashkoi një numër studiuesish, historianësh, diplomatësh, gazetarësh dhe veprimtarësh të çështjes kombëtare në mërgatën shqiptare të Amerikës.
Në fjalën e mirëseardhjes, famullitari Dom Pjetër Popaj vlerësoi librin si një kontribut të rëndësishëm për historiografinë kombëtare, duke sjellë fakte dhe këndvështrime të reja mbi figurën e Skënderbeut. Sekretari i Vatrës, Dr. Pashko Camaj, përshëndeti ngjarjen dhe theksoi pasurinë e fakteve të sistemuara në këtë vepër.
Gazetari i VOA-s, Frank Shkreli, theksoi rëndësinë e këtij promovimi, duke e konsideruar si një ngjarje të rëndësishme për shqiptarët në mbarë botën, dhe e lidhur me ruajtjen e identitetit kombëtar. Ai e quajti Skënderbeun jo vetëm një figurë historike, por një simbol të vazhdueshëm të unitetit shqiptar.
Gjekë Gjonlekaj, gjithashtu gazetar i VOA-s, analizoi diplomacinë e Skënderbeut dhe kontributin e autorëve si Barleti dhe Fan Noli për zhvillimin e figurës së tij në historiografinë shqiptare. Historiani Dr. Paulin Marku e vlerësoi librin për qasjen e tij të thelluar dhe për burimet e reja arkivore që ai sjell.
Politologu Akri Çipa nënvizoi metodologjinë e autorit dhe rëndësinë e tij për të pasuruar historiografinë shqiptare. Dr. Afrim Shabani e përshkroi librin si një kontribut të çmuar për të kuptuar Skënderbeun si një mendje strategjike dhe diplomatike, duke theksuar rëndësinë e tij në historinë e diplomacisë shqiptare.
Në përmbyllje, autori Virgjil Kule ndau detaje interesante mbi veprimtarinë e Skënderbeut, duke theksuar karakteristikat e tij si politikan i mençur dhe organizator i jashtëzakonshëm. Pas promovimit, autorit iu dha mundësia të firmoste librin si një simbol të përkushtimit të tij ndaj atdheut dhe historisë shqiptare.
Promovimi u mbyll me përshëndetje nga patriotët e mërgatës shqiptare, të cilët e vlerësuan këtë ngjarje si një kontribut të jashtëzakonshëm për ruajtjen e trashëgimisë kombëtare.
